Thursday, May 31, 2018

在曼谷一周

上兩周比較忙碌先快速去了台北一趟再從台北去了曼谷在曼谷待了一周台灣與泰國都是港人經常旅遊的地方但今次是我首次踏足台灣由於逗留時間太短談不上是一個正常逗留至少四天的旅程所以是次行程沒有增廣見聞

反而待在曼谷的一周比較有趣因為這行程是公幹為目的完全見識了曼谷交通堵塞的嚴重程度由於酒店在市中心而每天目的地卻在市郊由酒店坐skytrain去一個尾站再轉的士到達目的地整個過程花時接近兩個小時一天花在交通的時間接近四個小時回酒店已是休息時間了

是次行程穫得良多認識了一些年齡相若的泰國人可能因為大家都是美國頂尖學府出身的亞洲人背景相似跟他們傾談首次見面卻一見如故

由於整個星期都是上班族姿態算是對曼谷人的生活有更好的了解吧

市中心周圍有很多大小各式各樣商場酒店高檔住宅政府似乎沒有什麼城市規劃新舊建築全混在一起街上看到的年輕一代大多喜愛在商場內消費商場內的店舖全是歐美日品牌的衣服餐廳咖啡店等等商場內的消費指數已是全球標準化starbucks咖啡價格當然跟香港一樣在商場外的不遠處會有很多曼谷平民開設的餐廳或士多等等消費指數低得多一個雞飯40bahts (10hkd)左右而商場的一個日式餐廳午餐可能是200bahts (50hkd)左右

身在異地個人至愛光顧本地百姓的小生意而不在大型連鎖品牌商場內消費街邊食店食物質素其實不錯肯定比香港茶餐廳性價比高得多但年輕人喜愛享受商場內有冷氣寧願一直待在商場而不在街邊寧願去7-11也不去街邊士多在街邊小生意消費的大多是中年或老年人

概略而言從曼谷可看出泰國經濟: 本地經濟出口主要是米水果或其他原材料皆因本地工資成本低也有大型外國工業牌子如車廠進駐本地人工資一直低廉的同時年輕人的消費卻大多是光顧外國連鎖品牌,因而形成一個現象: 本地窮困農民種出來的產品低價出口或工人低薪水為外國企業生產工業品本地人出產力穫取的低收入卻大量花費在外國品牌上粗略而言: 為外國低薪打工但卻以高價格消費在外國公司上

在此情況下本地百姓沒有足夠資金或投資去發展自己的品牌,而大型財團把手中資金投資高檔地產酒店或商場,或跟外國大型工業品牌合作成立工廠生產,他們的資金沒有放在中小型企業或投資在年輕人上平民中小型生意受制於大型連鎖品牌壟斷社會沒有向上流動力去支持經濟向上發展......

說完經濟說民生在街上看到的泰妹外貌平平但身材不錯而泰國人對外籍人士多持開放態度在地鐵或街上不少泰妹都跟日韓仔或歐美人士在一起跟泰妹一起的鬼佬年齡比較大已是中年或老年階段個人估計他們長留泰國因為當地消費比較低而他們平時的開支可能由自己國家的退休金支持而日韓仔個人估計是為當地大量日韓公司打工

可能是個人看法吧由於文化或生活方式比較接近估計年輕泰妹寧願選擇中日韓的單身中佬都不會手拖一個年齡差距大的大肚腩鬼佬吧



18 comments:

  1. 泰妹好多都係人工美女,皆因果度既醫學美容先進,醫院都係請外國醫生嚟。
    FACEBOOK/IG有勁多呢啲泰妹,個個整到西瓜咁大,然後開直播SELL嘢/水人做投資,我諗都係先借錢整容,後用容貌搵錢還債。
    同JOSEPH兄講既一樣,「為外國低薪打工,但卻以高價格消費在外國公司上」。俾哂啲錢外國醫生,然後低薪係國內賺錢。呢個國家都係等俾人掏空。

    ReplyDelete
    Replies
    1. 好大投資wor, 借錢整容再做網紅, 可能順便釣下單身金龜

      泰國醫療先進應該係公認. 皆因好多中東佬都去泰國做手術.

      冇計, 國家經濟結構有問題, 現在internet年代, 唯一希望係一些年輕一代可以利用internet裝備自己, 可做一些科技startup, 不過, 如果本地政府不支持, 大財團只顧起樓, 酒店, 商場seek economic rent, 國家似終好難走出呢個死局.

      Delete
  2. 一直以為泰國成堆大商場,咁多連鎖店係俾遊客購物,原來本地人才是消費主力...
    不過亞洲金融風暴後聞說是好多東南亞本土企業不是死光光,就被跨國企業收購一空。情況有如香港作為金融中心,唯一一家本土投行都在97俾人食埋一樣(現在連本土銀行都差不多全被併光了),從此落場球員死哂,只有專心做賭場經營者好了。

    ReplyDelete
    Replies
    1. yes, 香港表面上係自由經濟, 但事實上比好多外籍公司, 或大財團完全壟斷, 因為起樓太好搵, 大財團根本唔會將搵到既錢去投資科研或新科技人才, 中小企生存空間愈來愈少...

      我個人認為泰國人口數千萬, 本地人的消費需求市場很大, 加上年輕一代極熟悉新科技, 只要財團肯投資, 出到本土科技品牌或新工業, 完全唔出奇. 不過, 亞洲大財團既相似地方係永遠捨難取易, 冇計, 教育與科技都是不穩定投資, 邊夠收租咁穩定...

      Delete
  3. 你說漏了兩句
    本港薄皮中佬若不想永遠單身, 因成功率高, 溝件泰妹也不怕食檸檬樣衰!

    ReplyDelete
    Replies
    1. 我估香港中佬揀個年輕又靚的泰妹,帶出街也不算失禮,總好過不少搏攞公屋的中港家庭吧。

      Delete
    2. 梗係唔失禮.
      好多港男為左供樓又好點都好, 娶個可以有能力"一齊捱"0既黃面婆, 未到四十, 拖出街已經好似兩母子咁啦~~~~

      Delete
    3. 可以係博公屋的泰港家庭,哈哈!
      整得勁得濟過左40會變夏蕙姨同DO姐喎,到時維修加固打摏都未必hold得住山泥傾瀉。。。
      呵呵!

      Delete
    4. 好多港嬸過左四十, 已經唔止DO 姐...變左屋企個工人姐姐咁啦!!

      Delete
    5. cherry: yes, 拖一個年輕身才好泰妹出街, 大把港男不停眼望望, 自我感覺都良好啦.

      70s. ,三人兄:哈哈, 呢個係取捨問題, 寧願穩個黃臉婆, 定係整晒容既中女, 定係成個工人姐姐咁款既女, 定係一個年輕身才好既泰妹, 見仁見智啦. 我自己就傾向後者啦, 哈哈.

      Delete
  4. 自己估嘅,本地中佬如果有啲錢,到中佬年紀都唔敢溝陀地中女,溝外地妹更加唔敢,除非係被女反溝...

    ReplyDelete
    Replies
    1. yes...市場供求問題, 本地中佬肯定不搵中女, 外地女仲更加費事搵(成日內心覺得外地女謀住晒佢d錢, 但其實從反方向睇, 年輕女當然想搵年輕男, 如果佢接受中佬, 應不會選一個好窮的阿叔吧, 所以我個人覺得年輕女從經濟方向睇中佬, 係完全冇問題) 最後一個可能性給人反溝反而幾高吧.

      Delete
  5. 不只是泰國, 整個二戰後東南亞地區都呈現着很強的 crony capitalism, 這是當地政商勢力長時間經營的結果, 正如香港的地產勢力, 每一次經濟危機不但沒有削弱這個不公平的社會架構, 反而進一步加強這些既得利益者以及社會階級固化... 我記得我在自己blog 提及 Asian Godfather 這本書, 一本已經成書超過10年的書在今天仍然沒有過時, 可見東南亞/東亞地區的社會是多麼frozen, 或者應該是沒有分毫進步

    ReplyDelete
    Replies
    1. yes, 其實小伙子上年講完呢本書, 我已經買了回來, 一直冇睇, 係近幾日去完泰國先拎黎睇, 幾有趣,

      東南亞大多數都是人口眾多國家, 要改變其實不易, 既得利益者控制左好多本土經濟, 跟住就政商link埋一起, 從政者想完全轉個結構基本上係冇可能 (加上大部分國家的政權都不是太穩定, 你看近期的馬來西亞, 或是泰國近數十年有超過十次反政權活動, 即使有投票國家如菲律賓或印尼, 根本只是做一兩屆總統, 因總統只有數年時間搞政經, 所以政策目標一定係短視, 什至更只打算不停貪污自己得益便算, 何來心力去完全改變國家整個政經結構?)

      我個人覺得大部分國家的基本政經結構是極難去變, 唯一可以小變的, 應先由一些政府initiatives開始, 去支助年輕人教育或中小創業者, 這是第一小步, 第二小步要靠大財團的第二或三代接班人都一點回僓社會的良知, 這一些比較年輕的人因為都是高等教育與internet generation出身, 思想應比較放, 把財團中一大部份利潤去發展新型工業. 跟著要等一段長時間, 去看看年輕新一代的造化了.

      香港情況更難, 香港不是國家, 加上自身經濟是外向型, 很多東西都不是本土政府可以控制.

      Delete
    2. //只是做一兩屆總統, 因總統只有數年時間搞政經, 所以政策目標一定係短視, 什至更只打算不停貪污自己得益便算, 何來心力去完全改變國家整個政經結構?

      其實這也是民主政制的問題, 下下選舉輪換, 領導人又何來 incentive 為國為民? 帝制一代傳一代,反而會令帝皇為「自己家族的天下」打好根基,於是問題就係變成下一代有無能力去守業。

      Delete
    3. 同意民主政制有任期限制這個缺點,但帝制...試左二千年都不太work既野我冇興趣再試了

      有康熙當然好,但二千年當中昏君的比例比明君多得多
      P.S. RTHK有一個節目叫"歷史係咁話2018",頭兩集永鎮江山萬萬年就是討論帝制與民主政制,有興趣可以看看

      Delete
    4. 唔怪得大陸要取消國家主席任期限制了。

      Delete
    5. 各施各法, 任何一個制度都有好與壞, 通常實有一個蜜月期, 過左就要睇當時人做化了.

      Delete