Friday, November 13, 2020

美國的狀況

美國大選當然是世界大事,無論是工作同事,親戚或各大媒體,都在討論這件世界大事。一個國家的總統大選可以帶動全人類的情緒,只有實力超強的美國才能做到。 

對於非美籍人士如我,其實只是抱一個旁觀者的心態,察看國際時局。豈料身在香港的人們可以對此選舉十分熱衷,支持拜登的人給大眾貼上「奶共」的標籤,支持現任總統的人給大眾貼上「支持獨裁法西斯主義」的標籤。成年人可費時玩這個無聊遊戲,除了「思想幼稚」四個字,我已找不到其他形容詞了。

似終曾在紐約州生活數年,也有一些遠房親戚長時間住在Florida,自認對美國的文化或有關東西有一定程度的認識。雖然大多數華人都喜歡西岸如加州各大城市或西雅圖的生活,但其實我獨愛東岸的城市。 我最喜歡的大都市是: 首都華盛頓,費城, 紐約市,波士頓。提起費城,第一時間想起的,自然是當地地道快餐美食cheesesteak。來到阿聯酋後,周不時會到美國品牌Charleys Philly Steaks的連鎖餐廳品嚐cheesesteak (香港有否這個品牌的快餐店?),但它的味道肯定比不上在費城開店數十年的Geno's Steaks。 



本來打算明年或後年再到美國一趟探親與旅遊,美國中西部不少大自然景點都值得一看。但今年以來,疫情加上現在整個社會與政治環境的氛圍,實在再找不到去美國的動機,更遑論再到美國工作與生活。 

今年出現百年一遇的環球疫情,綜合國力最強的美國,由於處理疫情輕率與不重視科學,成了全球科學家的笑柄,實在悲哀。歐洲人對美國的好感更因此而大跌,再加上現在美國整個社會處於撕裂狀態,在美國的友人都不好意思開口詢問本人是否還有回到美國工作的打算了。

根據住在Florida的親戚所說,近數年起,親戚們在大型聚會中已訂下一個潛規則: 不談政治問題。因為大家深知,若把這個話題打開,大家隨時出現互罵的情況。其實,這不是國籍或種族的原因,而是跟人類思維有關。政治與宗教的取向,都跟一個人的深層次價值觀有關,這就是以色列歷史學家Yuval Noah Harari所指的「幻想出來的現實」(imagined reality)。這類腦海內的幻想(或信念)是人類獨有,單以科學或邏輯是不能論証其真偽,只有信徒與非信徒之分(更普遍的情況是,當事人拿一些偽科學或似是而非的因果論,去証明自己的主觀幻想是正確)。除人類外,其他動物不具備這項幻想能力。 

是次美國大選,表面上是兩黨之爭,事實是「支持特朗普」與「反對特朗普」之爭。從總票數去看,「反對派」比「支持派」多。其實,真心支持拜登的人極少,大多數人都是太討厭特朗普才會投票給拜登。不計總統選舉,參議院選舉中,民主黨毫無優勢。眾議院中,民主黨更輸掉一些議席,這一些數據或多或少可証明民主黨的受歡迎程度。我敢斷言,真心支持特朗普的人數比真心支持拜登(或民主黨)的人數高出很多。對於左派人士而言代表中間派的拜登絕不是總統最佳人選他們需要的是: 反歧視平權向富人徵重稅社會主義對他們而言政治精英拜登基本上是右派所以投票於他只是太討厭特朗普的情況下無可奈何的選擇吧

討厭特朗普的原因很多: 一些人特別不喜歡他的性格,或做事手法或態度; 一些傳統建制派的人不喜歡他別樹一格的態度,或疑似破壞法治與美國政制的做法; 一些心底支持「自由, 民主」核心價值的人當然也自覺跟他格格不入。。。這一些都是價值觀層面上的東西。在實際層面上,他大加中國貨的進口關稅,致使一些小商店進口中國貨的經營成本大增,令不少中小企叫苦連天,一些人更因而失去工作; 另外更重要的,當然是對疫情愛理不理的態度,對整個社會的經濟與人命造成巨大損失。

在支持特朗普的人群中,看到一組有趣數字: 支持特朗普的有色人種(如拉丁或黑人)百分比有所增加,什至比過往任何一屆選舉更高。社論大多認為,支持特朗普的人內心都是: 白人至上主義/男權主義/價值觀保守/霸權主義。這個說法只能說是大部分正確,而不是事實的全部。單單依據這個論調,如何可以解釋特朗普在黑人與拉丁人中支持度的上升? 

當中的原因實是日積月累。首先,上一任民主黨總統奧巴馬任內平庸無為,了無見樹。此子的強項是發表公開演說,大談一些空泛價值觀與口號,對美國平民生活與社會卻毫無建設。(當然嚴格而言整個經濟結構性問題單以一個總統的能力是不能改變的) 這也是為何2016年特朗普可擊敗希拉利的其中一個主要原因,藍領白人都想求變,重建內心的America's great again,當然主動出來投票。而有色人種多在中低階層,即使不喜歡共和黨,但也沒有投票給代表美國白人政治精英的希拉利。

到了今年,疫情成了催化劑,美國社會出現巨大的BLM社會運動,當中有一些是和平遊行表達合理訴求,但也有不少城市出現暴動。在這個社會內亂中,民主黨政客純粹為了增加政治資本,無視暴動對社會秩序與民生的破壞。無論是在任何國家,止暴制亂,維持治安與穩定對很多人都很重要。這也難怪一些黑人公開出來支持特朗普。我個人認為,支持特朗普的人中,有不少都對民主黨事事政治化,空談口號的做事方式十分厭倦。 

近年美國的主流媒體本身都有既定政治立場,事無大小,不停抹黑或攻擊現任總統,立場實在過於偏頗。若是特朗普支持者,有感整個社會實在對他不公,當然更對整個社會的風氣憤憤不平。(當然,特朗普自身有不少問題,但傳媒理應保持職業操守,表達事實,而不是不理會事實,純粹主觀情感上不停攻擊與抹黑他人。) 我個人看法是,主流媒體偏頗失德,間接鞏固特朗普支持者的基本盤,加速社會的分化與對立。社會在政治上出現完全對立與撕裂,傳媒實在有一定責任。

總體而言投票給特朗普的人數超過7000萬當中大多數都是立場完全固定的支持者美國現時的政制不能解決這個社會分裂的局面,反而鞏固社會撕裂與二元對立的狀態。

政治當然跟經濟有關,新任政府需要處理的問題很多,疫情是首要,然後是就業問題等等。整個社會資源分配嚴重不公窮富差距太大是民粹主義湧現的宏觀因素之一疫情只是催化劑而已。而整個社會的經濟結構問題與不同產業鏈全球分工合作降低成本製造業空心化經濟金融化高科技高機械智能化的現代企業運作模式限制低技術工作機會等等因素息息相關我個人看不到美國經濟大幅反彈的可能性反而,出現長時間極低增長率,「失落的十年」的機會更大




56 comments:

  1. 講真, 好彩侵侵咁遲做總統, 如果佢取代黑人總統做既任期, 又做返佢做總統時期既政策, 我諗中國要崛起應該又要推遲好多年, 反而黑人總統令到中國可以養精蓄銳。

    ReplyDelete
    Replies
    1. 係, 同埋當年美國佬花太多資源在反恐上, 冇留意東亞區掘起得咁快. 現在的時勢加上歐美抗疫不力, 人人都知經濟發展動力是在亞洲. 只有能力低的政府才會聽美國佬枝笛反中.

      奧巴馬基本上是廢柴, 但係可能口才了得, 到左現在仲有好多外國人都係buy佢. 做政客, 把口真係好緊要. 做實事都係其次.

      Delete
    2. 咁我又唔敢咁講係奧巴馬係咪冇用,但現實係,佢上任初期,即係美國金融海嘯嗰陣,好多人(中國人+香港人)已經話美國玩完,經濟好唔掂,中國將會大國崛起,美金已經唔值錢,應該要買人民幣乜乜乜,但結果任期完嗰陣,美國不知不覺又變返全球最強,經濟好返好多,重貨人民幣嗰批死晒,奧巴馬係咪真係廢柴我真係有保留

      Delete
    3. 有很多宏觀因素, 一個總統很難改變. 當年2008, 中國GDP只是美國的三成左右, 美國最大, 第二係歐盟. 2008後歐洲打柴, 零息, 負息, 不停放水拯救不同國家. 美元債仲有少少債息, 全球投資者都衝晒進去當係水泡, 攬住唔放. 變左美元最強, 經濟回復得不錯. 但事實係好多美國藍領真係沒有工作機會(呢d野傳媒當然唔講), 所有錢與利益, 去晒大財團與科技企業, 所以窮富差距係一直增加緊...

      現在情況是美債不停升, 但疫情仲未搞掂, 將來可能零息或負息, 加上中國GDP與美國已慢慢接近, 而中國政經是在穩定狀態, 所以對美國獨大既地位係有大衝擊. 不過我相信, 未來數十年, 美國整體既影響力依然是最大, 即使經濟未必保持第一.

      好多大勢都不是總統可以控制. 奧巴馬在任時, 外交上做錯或無知的地方很多, 內政上, 我睇唔到佢有咩措施係想幫班美國藍領.


      Delete
    4. 由2008重貨人民幣到2016會死???????

      比D圖表數據支持下好啵

      Delete
    5. //由2008重貨人民幣到2016會死???????//

      08年O岩O岩識返大陸玩, 果時港紙比人仔幣值高, 街舖兌換店係100:105咁上下
      之後就港紙拾級而下.....
      2016? 港紙跌到得100:80 上下, 玩開班FD 都話太貴唔返大陸玩

      //重貨人民幣嗰批死晒//
      難道師兄仲有地方可以港紙人仔1:1?

      --Dogdogchi

      Delete
    6. 咁要睇下你換咗人民幣嚟做咩?如果用嚟賣地賣樓咪發囉!

      Delete
    7. 08換人仔去到16淨係現金ONLY都有增值啵

      我真係唔明咩叫重貨人仔死晒

      所以叫佢比數據,唔好張口就來去呃冇時間去查既觀眾

      Delete
    8. 我講得唔好,人仔嗰度08-10左右入當然賺,但12,13年先入嗰批就係一路蝕,我打上面段嘢嗰陣係諗返12年左右嗰陣身邊仲有好多朋友話緊美國好唔掂,然後個個話唔要美金要人民幣,咁嗰批的確到而家係未返家鄉,如果表達不清引起誤會先講聲唔好意思

      Delete
    9. 定義下咩叫死晒

      12年最高位0.8032,最低位0.8234
      今時今日0.8472

      今日人民幣定期1年利率仲有1.5%左右,2012睇中銀1年定期係有3.5%

      你朋友入完人民幣,如果唔係放起屋企發霉,年年定期足8年,我當佢易計D平均2%每年,真係返唔到家鄉?

      Delete
  2. Replies
    1. thanks:)   一時高質一時低質吧。 哈。

      Delete
  3. //「幻想出來的現實」(imagined reality)。//
    有無咁複雜
    只係每個人對世界未來走向既預測既差別
    比如侵侵話: 如果拜登當選, 白宮就要插上中國國旗
    A聽到: 點會呀? 呃鬼咩!! 最多O米對大陸溫和少少
    B聽到: 真係喎, 美國第一, 點可以俾中國話事?!

    //討厭特朗普的原因很多//
    我聽過有個講法係, 好多美國人真心相信美帝既橫行霸道, 只係為佐維護世界和平
    佢地都係相信自己係企系正義果邊
    那怕美軍打仗殺人搶資源, 美資炒高炒低搞到小國金融崩潰,
    都只係為佐對抗中俄邪惡勢力, 為佐世界更美好

    但侵侵既言行就狠狠咁刮佐佢地一巴
    侵侵好清楚咁講: 我地係反派,就係為佐搶錢
    對付中俄唔止, 連歐亞盟友, 都照屈保護費
    好多美國人接受唔到
    - 崇美既走狗更係信念同公信力雙崩潰

    //對他們而言,政治精英拜登基本上是右派…//
    美國既兩黨專制一向都係咁玩
    總統候選人都係中間派, 只係輕輕偏左或右
    只係之前支持者無得揀
    侵侵出現突然發現, 原來可以有候選人走到咁偏
    美國選民真係覺醒 ^O^

    //無論是在任何國家,止暴制亂,維持治安與穩定對很多人都很重要//
    睇過一D描述"歧視情況"既科幻小說
    融入派係最怕"平權運動"
    因為佢地用盡努力, 終於令自己可以融入社群, 將對自己既歧視壓到最低
    但當有班人出泥平權, 仲要係通常會造成沖突既平權活動
    又會將佢地推返去沖突中間

    --Dogdogchi

    ReplyDelete
    Replies
    1. //無論是在任何國家,止暴制亂,維持治安與穩定對很多人都很重要//

      又或者,
      對部份黑人泥講, 會覺得現有一個次等公民既地位, 對黑人整體泥講係最佳位置
      主要係對現實既滿足
      同埋害怕一旦黑人民權更進一步會挑起黑白人既沖突更激化

      好似香港
      回歸初期幫新移民爭取權利既官司係扮民主派律師幫手打, 假髮撚幫手判
      不論係雙非, 同綜援都係
      陰謀正正就係當新移民既福利權利越大, 舊新移民越會覺得新新移民分走佐佢地更多, 兩者既沖突會更激化

      --Dogdogchi

      Delete
    2. \\陰謀正正就係當新移民既福利權利越大, 舊新移民越會覺得新新移民分走佐佢地更多, 兩者既沖突會更激化\\

      應該唔止香港, 歷史上好似唔少地方都係咁, 只要新黎既人數量多, 開始主導社會, 本地人說會慢慢不滿。 呢個應該係真正人性。

      我個人覺得, 本身有一定能力的黑人, 如中小企老闆, 或專業人士, 見到班人高叫反歧視, 但事實是周街暴動, 肯定十分不滿。

      Delete
    3. \\融入派係最怕"平權運動"
      因為佢地用盡努力, 終於令自己可以融入社群, 將對自己既歧視壓到最低\\

      噢, 呢個都應該係正確, 如果本身有一定能力, 如經濟上或社會地位上, 當然唔想比平權運動班人拖累呢。 人, 似終都係自私既。

      呢個觀點都幾有趣, thanks for sharing. 

      Delete
    4. \\我聽過有個講法係, 好多美國人真心相信美帝既橫行霸道, 只係為佐維護世界和平
      佢地都係相信自己係企系正義果邊\\

      有少少似數百年前歐洲十字軍的歷史, 拿一些聖經出黎, 講到自己為左教化世人, 殘殺其他國家的人民都是正確呢。 當然好多教徒深信不疑。

      其實美國本土已經出現不少聲音, 覺得美國政府應該縮小對外的軍事管理, 專注國內問題。 美國人民對戰事都已厭惡。 但政界背後的財團點會咁容易放棄賣軍火搵錢既機會呢。

      Delete
    5. \\只係每個人對世界未來走向既預測既差別\\

      如果單純一個預測就當然簡單不複雜, 但信念本身係深刻過一兩個預測好多。

      好似有一些人信念是自由主義, 即使有疫情, 唔帶口罩係個人權利。

      有一些人的信念是反共主義, 只要舉一些反共旗幟,高叫口號, 周街放火,燒人, 打路人, 都是沒有問題的。 如果唔出聲支持反共, 只想安心生活打工, 呢類人比黑衣人燒死係完全冇問題既,仲可以叫一聲'抵死'。 因為內心既信念(反共)係唯一既正確信念。

      從人的信念去出發, 政治取態與宗教, 其實是同一個性質的事。

      Delete
    6. 但政界背後的財團點會咁容易放棄賣軍火搵錢既機會呢。

      戰爭=>石油=>美元

      呢套永不完既華爾滋最主要都係要睇戰爭頭

      Delete
    7. 其實住在和平地方如香港, 不懂他國政局或不理其他國家陷入戰亂, 各家自掃門前雪, 呢個心態也是可以理解的.

      奇就奇在, 由上年開始, 香港有不少人說, 伊拉克人民或其他國家人民是為了反抗極權, 為了自由, 寧願美國幫手推翻自己國家的政府. 佢地認為, 美國既做法係幫緊當地人民, 呢個logic到底邊度出黎呢?

      Delete
  4. \\應該唔止香港, 歷史上好似唔少地方都係咁, 只要新黎既人數量多, 開始主導社會, 本地人說會慢慢不滿。 呢個應該係真正人性。\\

    小弟就係一個例子,早幾年移民去美國,而家見到英澳加同時開放比香港人移民,心裡好唔平衡

    去到一個新地方, 就係想融入當地文化
    我唔想見到另一個溫哥華列治文區

    10 年之後, 會唔會有其他國家既生活質素比美國更好,好難講
    如果 "三十年河東, 三十年河西" 係正確既推斷
    美國既霸主地位係不久將來, 將要拱手讓人
    講緊係在座各位有生之年


    -- 8 mile road

    ReplyDelete
    Replies
    1. 我冇咩提議, 我覺得唔需要諗太多呢, 自己生活好便可.

      香港人想移民既, 去西方國家既, 首選都係澳洲或加拿大或英國. 美國幾肯定唔係首選. 所以8mile兄不用太擔心的.

      其實唔止係香港人, 華人即使住在外地, 大多數人既心態都唔想融入當地. 香港人在外國, 成世講廣東話, 飲茶等等港式生活就ok, 加拿大好多城市都有呢類香港人. 反而其他人種如阿拉伯人或印度人, 容易融入當地生活好多. 應該是人的文化有關吧.

      我住過美國, 完全唔覺美國生活質素是最好. 世界第一經濟國家, 跟個人的生活質素高低, 未必有直接關係.

      我覺得現在經濟全球化, 一國獨大既局勢其實好難持續, 未來數十年, 美國文化/政治/科技/軍事的影響力依然好大, 但世界新趨勢應是多邊發展, 不可能一直是一國獨大了.

      Delete
    2. //我覺得唔需要諗太多呢, 自己生活好便可//
      Joseph 兄, 十分同意你這一點, 最緊要是自己過得好, 也許我想太多了??


      //華人即使住在外地, 大多數人既心態都唔想融入當地. 香港人在外國, 成世講廣東話, 飲茶等等港式生活就ok, //
      所以我努力融入社會, 交當地朋友, 和他們討論時事政治, 例如今年美國總統大選


      //我覺得現在經濟全球化, 一國獨大既局勢其實好難持續, 未來數十年, 美國文化/政治/科技/軍事的影響力依然好大//
      但願如此, 要是讓一個國家獨大, 不見得是好事
      由第二次世界大戰開始, 先是蘇聯 VS 美國, 現在是中國 VS 美國


      --- 8 mile road

      Delete
    3. //我住過美國, 完全唔覺美國生活質素是最好. 世界第一經濟國家, 跟個人的生活質素高低, 未必有直接關係. //

      有錢, 美帝絕對係世界上生活質素是最好

      作為世界霸權超過半個世紀並唔係講笑既,
      窮奢極侈又時尚(唔會土豪FEEL), 美帝認第二無人敢認第一

      中產就應該會覺得美帝係部份生活質素領先, 而非獨步全球

      --Dogdogchi

      Delete
    4. 有錢,歐洲好啲,最少食都好好多。重有美國冇錢嘅人好多槍㗎,保得住條命先講啦。

      Delete
    5. 8miles兄身為一個美國公民, 與其他華人很不同. 我識既美國華人內, 有一些人從來沒有白人朋友, 不太喜歡與其他人種打交道, 不融入當地社會, 內心卻大美國主義, 希望美國永遠是霸王, 同時間不停抹黑中國或香港. 呢類人既數目唔少.

      Delete
    6. 我覺得美國生活一定唔差, 整體而言很不錯 (如果是中產或以上的話). 但問題是不少城市或社區其實極不安全, 某一些社區晚上肯定不敢外出. 這安全方面帶給人民的自由度比起亞洲差好遠.

      另外, 不計大城市, 住在小城市或鄉鎮的美國人, 其實衣著或打扮完全不講究, 好求其, 簡單隨意, 呢個可能都係好處.

      Delete
    7. 歐洲要看地方. 在法國, 西班牙, 意大利, 大城市有好多小偷, 雖然冇槍, 但多小偷也要不時留神注意四周.

      飲食方面, 個人覺得東歐或北歐極差, 睇瑞典Ikea就知當地人文化, 喜愛簡約, 唔花巧, 樸素, 食物上真的太簡單, 基本上沒有多元化選擇, 純粹飽肚暖身, 毫無味道可言. 意大利或西班牙等南歐地方飲食文化是好得多. 至於英法德, 近年已很多亞洲或中東移民, 所以食物選擇很多.

      我自己覺得中東很不錯, 十分安全, 生活很自由, 飲食上也多元化, 最大負面因素是夏天幾個月時間天氣太熱, 夏天完全沒有室外活動

      Delete
    8. 其實近年去了很多地方,發覺中國近幾年才是最安全的地方,生活質素又高,食物又好食,以性價比計,應該冇第二個國家及的上。

      Delete
    9. 我有歐洲朋友已去了內地發展了, 佢基本上有讚冇彈.

      呢個網絡年代, 資訊豐富, 人接收資訊的渠道很多, 便自以為懂得很多, 但其實媒體本身不實或立場偏頗, 所以出現了一堆無知卻自以為見識多的人... 我自己對一個我少接觸的地方, 只會相信曾經在當地生活或經歷的人.

      Delete
    10. 佢既睇法同你一樣, 生活質素+安全+食物多元化+發展空間

      Delete
    11. 讀萬卷書、不如行萬里路。古人智慧永遠都適用的。

      Delete
    12. //有錢, 美帝絕對係世界上生活質素是最好//
      恕難同意, 美國要全球交稅, 而且生活質素不及歐洲國家
      單講醫療制度, 已經令很多人卻步。
      很多在美的香港人都會回到香港診症, 因為美國的醫療開支太大



      //8miles兄身為一個美國公民, 與其他華人很不同. 我識既美國華人內, 有一些人從來沒有白人朋友//
      Joseph兄, 我只是早幾年移民去美國, 並未入籍。
      這一刻因為工作緣故, 我選擇來到美國, 也許我將來退休會回香港定居呢?
      既然來到他國, 當然要盡力了解當地政治和文化

      我對美式足球和籃球沒有興趣。但美國總統大選, 我不可不管, 那是直接影響所有在美國居住的人 (不管是定居還是暫住)


      //我自己覺得中東很不錯, 十分安全, 生活很自由//
      看得太多CNN 等美國媒體, 會以為中東是很保守的地方, 到處都是回教徒。有機會我也想到中東國家旅行, 看看是怎樣一回事


      -- 8 mile road

      Delete
    13. //恕難同意, 美國要全球交稅, 而且生活質素不及歐洲國家
      單講醫療制度, 已經令很多人卻步。
      很多在美的香港人都會回到香港診症, 因為美國的醫療開支太大//

      師兄可以睇漏佐我個'有錢"
      既然要考慮稅務支出 和 醫療開支
      充其量只係算中產
      同有錢相差十萬八千里

      成立慈善基金會, 可以將所有稅務支出都報銷, 先叫"有錢"囉
      起碼都有錢請侵侵個會計師吖 ^O^

      --Dogdogchi

      Delete
    14. 8 mile 兄你講得岩, 去到當地生活, 當然起碼要嘗試了解當地人的文化, 或習慣, 或想法等等, 但有一些華人真的很封閉.

      其實去得多唔同地方, 真係一個好既閱歷.

      Delete
    15. 以過來人身份有少少不同意見,有很多人移民其實也是為了下一代,而移民生活其實比想像中忙很多,只是揸車接送已經花了每天大量時間。還有去到陌生地方有很多方面要適應,只是維持家人、親戚的關係又已經花了大量時間,那有那麼多時間去認識新朋友。你想同朋友出去飲下嘢,老虎乸唔比面色你睇就假。最後外國人歧視華人的心態其實非常重,人到中年還要花時間去建立這些虛偽關係嗎?

      Delete
    16. 8 mile 兄你講得岩, 去到當地生活, 當然起碼要嘗試了解當地人的文化, 或習慣, 或想法等等, 但有一些華人真的很封閉.

      需求唔同

      好像joseph你喜歡遊歷,喜歡研究融入,當作了解投資標的,OK

      我識唔少有錢既移民過去都夠退休生活,去到就係想舒適過下半生,根本唔需要擴闊圈子,得閒起中國朋友圈露露面裝個逼不好嗎,起碼自以為是朋友圈食物鍊頂層,唔需要低聲下氣

      至於技術移民同中產果班,因為仲要生存搵食,需要圈子,咪要想方設法融入圈子囉,初期難頂歧視,拎個真心出黎挨番幾年,睇下有無機會打破隔閡囉,歧視係一定存在架啦,邊度都無得避

      Delete
    17. \\而移民生活其實比想像中忙很多,只是揸車接送已經花了每天大量時間。\\

      \\最後外國人歧視華人的心態其實非常重,人到中年還要花時間去建立這些虛偽關係嗎?\\

      也是十分正確的. 有子女, 有家庭, 不只是外國, 即使在香港, 個人生活空間也是細一些. 其實我其中一些留言主要是指一些比較年輕的移民, 沒有子, 也不打算生仔女, 沒什麼親戚, 卻完全不融進社會, 同時間以抹黑香港或中國為傲, 我主要係討論呢堆人.

      Delete
    18. \\歧視係一定存在架啦,邊度都無得避\\

      豬二哥兄你好, 呢個係完全正確.

      因為近一兩年, 我聽到一些土生土長的香港人從未出外地生活, 卻滿腦天真想法, 說美國平等, 自由, 民主, 他們覺得, 在這個國度, 亞洲人可以跟白人平起平坐, 和平共處, 冇種族歧視. 見到呢堆人既諗法, 充滿幻想, 不知現實, 其實真係無言以對.

      Delete
    19. 如果是年輕人、沒有家庭而想移民,奉勸一句真係要諗清楚,除非工作上有好的 offer, 現實永遠都係殘酷嘅。

      Delete
    20. //如果是年輕人、沒有家庭而想移民,奉勸一句真係要諗清楚,除非工作上有好的 offer, 現實永遠都係殘酷嘅。//
      我在香港一直想在政府工作, 因為自己性格問題, 但一直沒有 offer
      來到美國後, 兩份工作 (目前的和上一份) 都在政府機構

      諷刺吧 ?! 在這一刻, 我喜歡美國, 是因為她給了我一份心儀的工作
      當然我也喜歡她的文化
      但美國有很多隱憂, 不得不令我慎重考慮︰我要在美國待一世嗎??
      e.g. 稅務, 醫療制度

      -- 8 mile road

      Delete
    21. 咁我又支持你,年輕人如果在其他地方有發展,其實應該要出外闖一闖,增加見識,香港太細了,局限了發展。

      Delete
    22. AnonymousNovember 19, 2020 at 9:52 AM

      我記得梁振英有叫過年輕人出去開闊眼界

      然後比霉體打成趕走年輕人云云

      Delete
    23. 呢個年代,講真話都係畀人鬧㗎喇!大話就好多人信。

      Delete
    24. 8 mile兄, 你喜歡美國的工作與生活, 已經很好了, 呢個時勢, 在生活與工作上得到滿足感, 不容易. 長線看的話, 什麼地區合適生活, 的確很難選擇, 特別係呢十幾年, 與未來十幾年, 世界變化速度一定超快. 我都諗緊應唔應該長線留在中東呢.

      其實冇一個地方係完美, 當然錢係好重要, 有錢就有自由度去選擇. 生活滿足感都緊要呢.

      Delete
    25. 近幾年我既震撼真係好大, 什麼是真假是非對錯, 好似已經不重要. 最緊要多人LIKE, 多人支持, 就是代表正確.

      Delete
    26. joseph兄,非常認同以下所講的,也是親身經歷。

      呢個網絡年代, 資訊豐富, 人接收資訊的渠道很多, 便自以為懂得很多, 但其實媒體本身不實或立場偏頗, 所以出現了一堆無知卻自以為見識多的人... 我自己對一個我少接觸的地方, 只會相信曾經在當地生活或經歷的人.

      近幾年我既震撼真係好大, 什麼是真假是非對錯, 好似已經不重要. 最緊要多人LIKE, 多人支持, 就是代表正確.

      Delete
    27. 多謝derek兄留言, 看來大家的價值觀比較接近.

      Delete
  5. //我識既美國華人內, 有一些人從來沒有白人朋友, 不太喜歡與其他人種打交道, 不融入當地社會, 內心卻大美國主義, 希望美國永遠是霸王, 同時間不停抹黑中國或香港. 呢類人既數目唔少.//

    梁兄, 呢種心態我有少少理解
    呢類中國/香港人應該係走共產黨走97移民
    比如我有個阿叔, 90年前後50歳任職銀行高層提早退休, 連屋都賣埋, 去溫哥華釣魚
    說白就係賭共產黨接收香港, 香港秒變一國一制, 香港就玩完

    但係佢地賭輸佐, 香港不但無玩完, 仲爆升佐一段
    去到今日, 係香港跳得太癲, 中央先加強對香港既掌控
    唔計佢既收入, 樓價就升佐5-10倍
    想像一下佢地損失佐幾多

    只有中國+香港都衰到貼地, 佢地先係賭贏
    人就梗望自己賭贏, 佢既期望就係咁泥

    --Dogdogchi

    ReplyDelete
    Replies
    1. 噢, 原來有呢個心態與心理, 唔怪得啦.

      抱住呢個心態生活都幾辛苦, 仲要係踏入中年先遠走他鄉... 呢個年齡先去外地住, 係好難適應, 仲要冇工做的話, 仲冇朋友, 同等死冇咩分別.

      原來有呢個心理, 唔怪得一些移民多年的人成日想香港與內地快d仆街, 哈.

      Delete
    2. 中國同香港唔仆街,點顯得佢地移民的決定英明神武呢
      說穿了就是老散心態

      Delete
    3. 係, 不過, 唔講都唔知有呢個心態呢.

      Delete
  6. https://time.com/5912325/rcep-china-trade-deal-us/

    又話美國帶領其他國家制裁中國,又話各國走資,咁RCEP點解協定有日本、南韓和兩隻“五眼” 而無美國? 世界大勢,不是一國能話事,更何況只是一個城市裡面一部分的人?

    ReplyDelete
    Replies
    1. 你講得岩, 世界大勢不是幾個政客話事, 也不是一些主流媒體做一些失實報導便代表是真相.

      其實政治取態同宗教一樣, 信左就唔會再改變. 問題係, 呢一班人的價值觀, 思想, 言行, 都是立場行先, 致使對客觀事實進展做成錯誤判斷, (或視而不見). 同呢班人講多係冇用, 無視他們便可以, 對生活無什麼影響

      Delete
  7. //政治與宗教的取向,都跟一個人的深層次價值觀有關,這就是以色列歷史學家Yuval Noah Harari所指的「幻想出來的現實」(imagined reality)。這類腦海內的幻想(或信念)是人類獨有,單以科學或邏輯是不能論証其真偽,只有信徒與非信徒之分(更普遍的情況是,當事人拿一些偽科學或似是而非的因果論,去証明自己的主觀幻想是正確)。除人類外,其他動物不具備這項幻想能力。 //

    Joseph 兄,你的論述太精彩了!
    我自己本身既沒有宗教信仰,不喜歡分顏色,在群眾心理上,人就是喜歡一致性,政治與宗教可說是操控思想的工具之一。

    ReplyDelete
    Replies
    1. 對的, 細胞妹, 兩者性質其實是一樣. 只要大眾心理形成一致性, 信我者是'自己人', 不信我者是'敵人', 人群容易造成嚴重分裂. 難以修補.

      連美國自由資本主義地方都係咁, 所以係同人種或國籍無關, 人性本身很容易出現分清'敵' 與'我' 的兩個派別.

      Delete