Thursday, April 19, 2018

對俄女的看法

俄鋁(486)近兩個星期成了眾人焦點正當眾人聚精會神於中美貿易戰突然美國一個轉移視線重新把重點放在中東與俄羅斯身上

兩個話題一個政治一個宗教我一向什少發表意見所以在中俄美三方的game theory當然不會在本文多提

一個突如其來的制裁直接的影響有:
(1) 一些手持俄鋁的大戶或基金由於本身是美國公司或大股東是美籍人士或大部分業務跟美國有往來等等全都給美政府用槍直指前額無論他們本身是否看好此股都要被迫賣出手中持股以免違法

(2) 美國銀行當然被迫與政府合作不准客戶購買此股而歐洲銀行自從2008年金融風暴後數年差不多所有大行都受美政府招呼不停罰巨款HSBCStandard Chartered當然身在其中我個人的理解是: 若俄鋁買方不是美國人跟美國沒有商業往來理論上是不受美方制裁影響但相信歐洲大行為免煩惱, 也不可能對一個個買方散戶徹查背景吧,(難道買幾手都查你家宅, 再加祖宗十八代?) 所以當天起已直接禁止任何人購買此股

(3) 由於美歐大行禁買此股形成了港股市場難得一見的的異象: 
     (a) 港交所沒有對此股停牌的情況下有不少大行主動禁止散戶買股
     (b) 記住: 是禁買但可以賣 (因為(1)的原因)

(4) 由於(3)(b)的關係形成了股票近數天市值大跌六成市場上只剩下一些為數極少的散戶撈底為數極多的賣家vs少量散戶的狀況出現股價唯有大跌了

--------------------------------------------------------------------

由於市場持份者被迫賣股,是否已造成市場錯價?

此次在俄鋁身上出現的異象是否市場錯價?  難說得很由於是政治事件事件會持續一段長時間抑或美政府隨口說說跟著數個月後改口風難說得很政治事件變化之大無人可以估計上年北韓與美國互吐口水本年便即將上現兩方和談的大合照所以我沒興趣預測此政治事件

星期一再跌三成多最大原因是美方宣佈當天稍後時間對俄羅斯加強制裁但星期一直至今天美政府就沒有再發出制裁的方案傳聞是美國總統親自下令殺停新的制裁方案無論如何暫時應不會見更多制裁

從生意方面看俄鋁對美國出口佔15%俄方生意佔20%其餘大部分生意大多是美國盟友的歐洲國家所以若全部國家停止與俄鋁交易變相損失80%生意同時間還要想方法在債務上或錢銀上週轉 (俄鋁已不可能再用美元做任何交易)在此亂局中現價俄鋁是否值博真的難說得很

個人的看法是大家把制裁看得太嚴厲先不論美國總統是否打算長期制裁俄方商業上看大部分俄鋁進口商都因為此事件已增加經營成本 (鋁價已升至近7年新高了)實在不情願而大公司或大國當然也不可能在公眾眼前與俄鋁交易不過小公司就不在此列了只要生意有錢搵相信必定有人想盡辦法挺而走險而個人也相信是有不少人 (權衡風險回報後) 自然會發揮上有政策下有對策的人性。(當人性在貪婪與恐懼間遊走, 只要當中利潤足夠大, 貪婪定可戰勝恐懼。)

其實解決事件的方法著實簡單難道各大政治家想不出來? 制裁是對Oleg Deripaska與其生意的制裁只要把俄鋁控制權易手把公司控制權轉到未受制裁的個體已把事件完美解決吧? 

本人已小注買入此股 (用交通銀行),若股價再大跌不排除大手增持。這不是一個短線操作而是一個看中期(5年)的投資。5年內,打賭政治事件已解決,而當中有不少有心人肯做中間人角色幫手做deal,令俄鋁可在不正常的情況下,利用一個不正常的運作系統一直運作下去

21 comments:

  1. 以為JOSEPH兄又開文講異國風情,點知... 哈哈哈。

    俄侶控制權就算唔易手,都可以照做生意,好似中國都將啲鋼材經越南出口啦,咪一樣。你有張良計,我有過牆梯。

    不過我都係唔敢買:P

    ReplyDelete
    Replies
    1. 你有張良計,我有過牆梯---yes,自古以來, 有人既地方就係用呢個方法運作. 所以我本文便以'上有政策,下有對策'形容人性.

      不過, 即使係咁, 依然有一定政治風險

      Delete
  2. 我擔心因為俄鋁負債高,如果歐美銀行都不願意為其進行融資,其營運可能會出現問題。所以,我搏左盧布:P

    ReplyDelete
    Replies
    1. 營運我不大怕, 政府應該會出馬幫手, 呢間野有幾萬打工仔, 普京從前已救過這公司, 今次不會見死不救.

      最怕是政治餘波, 由於太多大行不再交易這股, 港交所下令無限期停牌

      外匯我唔敢玩啦, 2014年俄國給歐洲制裁時玩過, 中過招了, 政治波好難玩. 所以今次俄鋁只能小注了.

      Delete
  3. 以為教追女仔,點知係講486,失望(笑

    之前入左一轉,睇一睇公司資料和往績,先是上市之後連年蝕錢,然後近年逐漸轉虧為盈,惟帳目可能有古怪,核數師也有保留,恐怕有經營不善之虞,是故不敢長揸,第二日就放左,只係賺左餐飯仔。

    ReplyDelete
    Replies
    1. 對的, 公司營運肯定有不清楚地方, 呢個新聞我幾年前都睇過,

      對於國企條數唔清唔楚, 我不會太意外的. 難道大國的內銀股條數好清楚? 呵呵, 見仁見智吧.

      Delete
  4. 哈哈俾Joseph兄個標題黨「呃」咗入黎,原本以為你想串火X森🤣

    ReplyDelete
    Replies
    1. 哈哈, 呢個文章既原意就係試下利用一個引人注意既標題是否可以增加點擊率. 事實証明我是對的. :)

      火燎神我就唔夠膽串, (撇開道德問題唔講)佢做事執行能力好高

      Delete
  5. Replies
    1. 呵呵, 引到池兄上水, 証明呢篇文係成功的.

      Delete
  6. 雖然知你講486

    但心依然存有僥倖諗住你講女同埋有圖....點知兩樣都冇

    ReplyDelete
    Replies
    1. 太心存僥倖啦,

      今次呢個標題係玩下野, 下次再出呢個標題, 應該係講俄妹而不是俄鋁了.

      Delete
  7. 典型的高風險高回報投資, 不過俄鋁已經反彈不少, 相信joseph有一定斬獲 :)

    ReplyDelete
    Replies
    1. 冇咩斬獲呢. 我冇係最低位買. 不過,我是看中線的, 打賭政治風波幾年內一定可以clear.

      Delete
  8. 已入少少486玩玩,日後大家互相交流,有錢齊搵

    ReplyDelete
    Replies
    1. 哈哈, 能否搵錢仲係未知之數呢, 大家交流一下. :)

      Delete
  9. 投資就梗有風險,最緊要控制好注碼,相信Joseph唔成問題。

    ReplyDelete
    Replies
    1. 呢隻打緊政治波, 都冇得估. 最緊要係定左注碼.

      Delete
  10. This comment has been removed by the author.

    ReplyDelete